والدة شهيد لقمة العيش بالسودان: "راح نور عيني ابني الوحيد اللي كان بيصرف علينا"

شهيد لقمة العيش في السودان رثته أمه بكلمات بطعم العلقم؛ حيث بدأت حديثها: “كان نور عيني اللي بشوف بيها هو اللي كان بيصرف علينا وهو اللي كان شايلنا ابني الوحيد على البنات أبوه عاجز وهو اللي كان بيعمل لنا كل حاجة. قتلوه وغدروا بيه".

ماذا قالت والدة شهيد لقمة العيش في السودان:

وتابعت والدة المجني عليه: ابني عمل لكم عشان تعملوا فيه كده حسبي الله ونعم الوكيل انا عايزه حق ابني وعايزه وعايزه جثته تدفن ارحموني” بهذه الكلمات انهارت والده شهيد  لقمه العيش محمد لطفي السيد ابن قريه الكفر الجديد التابعه لمركز ميت سلسيل بمحافظه الدقهلية  والذي لقى مصره على مسلحين بالسودان.

أم شهيد لقمة العيش في السودان تناشد الرئيس السيسي:

واصلت: انا بناشد الرئيس السيسي انه يعجل في ان الجثمان يوصل انا ابني كان بيكافح وكان بيصرف علينا ابني كان رايح لشغل كان مسؤول عني وعن ابوه وعن اخواته البنات وعن مراته وبناته  الصغيرين اللي لسه ما مفرحوش  ولا شافوا دنيا ؛ ابنى كان محبوب  من كل الناس: ابني ابني كان كل حاجه عندي ابني كان عيني من جوه اه يا محمد هاتوا لي محمد".

في حين قال شقيقته الكبرى"  محمد كان اخويا وابني كان بيصرف علينا وكان متحمل مسؤوليتنا مسافر بقى له 15 يوم غدروا بيه وخلصوا عليه هو ذنبه ايه عشان يعملوا فيه كده حسبي الله ونعم الوكيل حقك يا اخويا يا حبيبي لازم هيرجع ارجوكم يا مسؤولين رجعوا جثته  عشان ندفنه كفايه اللي احنا فيه اغلى الناس راح مننا ليه كده".