هند صبري: السوشيال ميديا بوظت حاجات وسهلت الطريق لناس مش أفضل نفسيات

تحدثت الفنانة هند صبري عن تأثر مهنة التمثيل بسبب مواقع التواصل الاجتماعي وبعض المشاهير عليها الذين دخلوا المجال.
وقالت هند صبري خلال لقائها في برنامج On The Road من تقديم بلال العربي: "المهنة اتغيرت السوشيال ميديا بوظت حاجات كتير الناس بقت بتشوف طرق أقصر بكتير من أنك تكون بتشتغل وتحترم شغلك، هي قصرت الطرق وسهلت الطريق لناس ممكن تكون مش هي مش أفضل ناس أو أفضل نفسيات".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت هند صبري: "وبيبقى في عدم احترام لتاريخ الواحد أو لشغل الواحد يعني الروس اتساوت ودي مش حاجة حلوة لأنه أنا فاكرة حتى كنت أنا ومنة شلبي لسه بنتكلم في الموضوع ده من قريب أنا ومنة عشان نفس الجيل واشتغلنا بنفس الطريقة وتعبنا عشان نوصل يمكن أنا اعرف هي تعبت قد إيه وهي عارفه أنا تعبت قد إيه بس كان في احترام غير طبيعي للناس لأساتذتنا اللي أكبر مني بسنة كنت بحترمها بسنة في الشغلانة مش سنا وسنا طبعا بس اللي أقدم مننا بسنة كان احترام كبير".

وأكملت هند صبري: "إحنا عملنا أحلى الأوقات مع حنان ترك حبيبة قلبي وهي أقدم مننا أنا ومنة ونجمة أكبرمننا أنا ومن إحنا ممكن نشوف أن إحنا اتساوينا بحنان مستحيل النهاردة عشان كمان فولورز ممكن أنا عندي فولورز فانت مين انت لا أنا اشتغلت كثير عشان أوصل لنا أنا فيه فيمكن أنا يمكن دي مدرسة وماتت اختفت بس أنا من المدرسة دي".