فرح يوسف: الفنان لازم يكون جريء والهجوم اللي كان على الأفلام اللي قدمها جيلي مأثرش فينا

تحدثت الفنانة فرح يوسف عن الهجوم الذي تعرض له جيلها بسبب الأفلام التي قدمت في فترة بداية الألفينات وصنفها البعض بالجريئة.

وقالت فرح يوسف خلال لقائها في برنامج "أسرار النجوم" مع إنجي علي عن مدى تأثر جيلها بهذا الهجوم: "الهجوم اللي كان على الأفلام اللي قدمانها أنا وجيلي زمان مأثرش علينا لأن وقتها كانت المرحلة كده، ومش بقصد إنه حاجة وحشة، دلوقتي بنتكلم أن أفلام من 15 سنة كان في جرأة في اختيار المواضيع عن دلوقتي".

وتابعت فرح يوسف: "كلمة جرأة كأنها كلمة سيئة السمعة لازم البني آدم يكون جريء، الفنان بقى لازم وغصب عنه وشرط أنه يكون جريء في تقديم الأفكار في الزاوية اللي بيناقشها منها وأنه يختار يعمل إيه، لكن أنها تبقى حاجات سهلة وجاهزة يبقى بنعمل إيه؟ إيه اللي هيثير خيال الجمهور ويخليهم يفكروا؟ لازم يكون في جرأة في الطرح في الفترة دي دا كان حاصل لو حاجة مش محققة دا مكانتش هتبقى موجودة كان لازم أنت بتقدم إيه جديد".